Enis Bardhi kontribuon me gol në fitoren e Trabzonsporit

Trabzonspori ka regjistruar fitore ndaj Hataysporit në kuadër të javës së 25-të në Superligën e Turqisë.

Ndeshja e zhvilluar sot në “Papara Park” përfundoi me rezultatin 2:0, shkruan Gazeta Express.

Trezeguet (49′) dhe Enis Bardhi (77′) shënuan golat e fitores për vendasit.

Për mesfushorin shqiptar ishte ky goli i tij i tretë në kampionatin turk. Ai ka edhe dy asistime.

Bardhi ishte titullar dhe luajti për 90 minuta. Në anën tjetër, te mysafirët nuk pati minuta për Visar Bekajn.

Trabzonspori pas kësaj fitore ka 40 pikë dhe renditet i treti në tabelë.

Hatayspori ndodhet në pozitën e 12-të me 28 pikë të grumbulluara. /Gazeta Express/