Eni Koçi sjell këngën e re “Sot”

Këngëtarja Eni Koçi, ka prezantuar për publikun këngën e saj më të re me titull “Sot”.

Kënga është e zhanrit baladë, teksa vjen në kanalin YouTube edhe me klip.

Muzika dhe teksti janë realizuar nga vet këngëtarja, teksa përgjatë gjithë këngës shoqërohet në kitarë nga Astrit Stafaj.

Për anën vizuale të projektit është kujdesur produksioni kosovar, Black Fish Entertainment.

Me paraqitje të thjeshtë dhe sharmin e saj prej biondeje, Eni duket të ketë bërë për vete fansat me dukjen e saj.

Ajo është mjaft aktive në muzikë me prurje të reja, gjersa nuk mungon angazhimi i saj edhe në koncerte e mbrëmje muzikore të ndryshme.

Tash e sa kohë, Eni është në lidhje me këngëtarin Genc Prelvukaj, me të cilin rrallë shfaqet në rrjetet sociale. /Telegrafi/

https://telegrafi.com/eni-koc-sjell-kengen-e-re-sot/