Engel: Kosovën sërish do ta vëja në krye të prioriteteve të mia

Njëri ndër miqtë më të mëdhenj të Kosovës, kongresmeni amerikan Eliot Engel, është shprehur krenar me angazhimin e tij për Kosovën, duke thënë se edhe pas 30 viteve të karrierës së tij politike, sërish do ta vinte Kosovën në krye të prioriteteve të tij.

Ai këto komente i ka bërë gjatë vizitës në kompaninë prodhuese ‘KIVO’ në Kaçanik, ku ka thënë se storiet e tilla të suksesit janë pasqyrimi i vërtetë i shpirtit të kosovarëve.

I impresionuar me të arriturat e kompanisë, kongresmeni Eliot Engel tha se storiet e tilla të suksesit janë pasqyrimi i vërtetë i shpirtit të kosovarëve.

Ai u shpreh krenar me angazhimin e tij për Kosovën, duke shtuar se edhe pas 30 viteve të karrierës së tij politike, sërish do ta vinte Kosovën në krye të prioriteteve të tij.

Gjatë vizitës në Kaçanik ai u shoqërua nga bashkëshortja e tij, Patricia Ennis, bashkëpunëtorët e ngushtë, atdhetari dhe biznesmeni shqiptaro-amerikan, Harry Bajraktari, përfaqësues të USAID dhe drejtori ekzekutiv i Odës Ekonomike Amerikane, Arian Zeka.

Bashkëthemeluesi i kompanisë ‘KIVO’, Visar Ramajli, informoi kongresmenin Engel lidhur me funksionimin e kompanisë, si dhe mundësitë e të bërit biznes në Kosovë.

Ai falënderoi kongresmenin Engel për kontributin e tij dhe tha se tani është momenti që në Washington të flitet për nevojën e rritjes së investimeve amerikane në Kosovë.

Ramajli shtoi se përgjatë viteve ka pasur përmirësim të madh në mjedisin e të bërit biznes në Kosovë.

Kongresmeni Eliot Engel qëndroi ditëve të fundit në Kosovë, ku mes tjerash mori pjesë edhe në përurimin e ndërtesës së re të Ambasadës së Shteteve të Bashkuara të Amerikës në Prishtinë./telegrafi/