Ëndërroj ta heq barrikadën mbi urë

Pavarësisht marrëveshjes së arritur mes dy kryeministrave, KFOR-i do të vazhdojë ta ruajë paanshmërinë dhe mbetet një ndër forcat e sigurisë të pranueshme në mbarë territorin e Kosovës.

Komandanti i KFOR-it Halbauer, ëndërron që brenda mandatit të tij, deri në shtator të këtij viti, të gjitha palët e përfshira ta largojnë me paqe barrikadën mbi urën kryesore në Mitrovicë. Sipas tij, ajo barrikadë është çështje politike dhe nuk do të ndërhyjë me forcë

Sipas Komandantit të KFOR-it, ekziston vetëm një barrikadë në urën mbi lumin Ibër. Të gjitha të tjerat nuk janë bllokada rrugësh. Kjo është e vetmja bllokadë rruge në terren dhe nga perspektiva e tij, kjo është një shenjë politike që do të thotë se bllokada e rrugës është vendosur nga persona të caktuar në veri, kushdo qofshin ata, për të demonstruar dhe portretizuar opinionin e tyre për situatën, që është se ata nuk e duan këtë situatë.

“Kjo është për arsye politike dhe nuk ka ndikim në lirinë e lëvizjes dhe në garantimin e një ambienti të qetë dhe të sigurt”, ta thënë Komandanti i KFOR-it Halbauer, në një intervistë ekskluzive për gazetën Tribuna.(Tribuna)