Ende pa u zbatuar kundërshtohet fuqishëm Ligji për Paga

Ligji për Paga pritet të fillojë së zbatuari gjatë muajit dhjetor, ndërkohë deri më tani lidhur me këtë ligj 17 sindikata janë ankuar tek Institucioni i Avokatit të Popullit. I nevojshëm për fillimin e zbatimit të ligjit po del të jetë konstituimi i institucioneve në vend para fundvitit, shkruan sot gazeta “Zëri”.

Ende pa filluar zbatimi i Ligjit për Paga 17 sindikata dhe grupe ankuesish nga sektori publik kanë dërguar ankesa tek Institucioni i Avokatit të Popullit. Ky ligj, i cili pritet të fillojë së zbatuari në dhjetor të këtij viti e i cili u miratua në fillimvit, sipas ankesave të sindikatave është duke ndikuar negativisht në interesat e tyre.

Ndërkohë, Ministria e Financave për “Zërin” ka konfirmuar që ky ligj do të fillojë të zbatohet në dhjetor të këtij viti. Sipas tyre, kostoja buxhetore është e mjaftueshme për mbulimin e këtyre pagave.

Ndërsa sipas njohësve të çështjeve të ekonomisë, është e domosdoshme që buxheti i Kosovës për vitin 2020 të miratohet gjatë muajit nëntor, në mënyrë që t’i hapet rruga procedimit të pagave nga administrata.

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).