Enca nis punën në albumin e parë

Enca Haxhia ka zbuluar se ka filluar të punojë në albumin muzikor, që do të jetë edhe i pari i saj.

Këngëtarja shqiptare ka lansuar disa hite shumë të dëgjuara, përfshirë “A po t’pëlqen” dhe “Edhe njo”, por ende nuk ka një album të sajin personal.
Megjithatë duket se nuk do të vonojë shumë dhe ajo do ta lansojë edhe këtë, transmeton Telegrafi.

Kështu ka lënë të kuptohet vetë këngëtarja, e cila ka postuar disa fotografi në rrjetet sociale. Në njërën ajo duket shtrirë me gjuhën e nxjerrë dhe duke shkruar se “rikthimi në studio më bën shumë të lumtur”.

“Faleminderit që më bëni të ndjehem e dëshpëruar, e lumtur, e ngazëllyer, e bukur, e zhgënjyer, e ndezur, e vetmuar, në ankth, dhimbje, e humbur, e çmendur, në dashuri… gjithçka do të përfundojë këtu – në albumin tim”, ka shkruar ajo sipër një tjetër fotografie ku shfaqet mikrofoni. /Telegrafi/