Enca: Ndoshta me kalimin e viteve, ndjenja e patriotizmit brenda meje po arrin majat

Enca Haxhia aktualisht ndodhet në Shtetet e Bashkuara të Amerikës.

Për herë të parë, këngëtarja ka mbajtur një tur koncertesh për shqiptarët që jetojnë atje.

Ajo është shumë aktive në rrjetet sociale, teksa nuk heziton të ndajë me fansat momentet e bukura që po shijon atje.

Në një nga shkrimet të publikuara së fundmi në InstaStory, Enca ka shkruar se i ka pëlqyer New Yorku, por që Tirana për të mbetet gjithnjë e para në zemrën e saj, dhe kushdo që udhëton e di se çfarë ka dashur të thotë.

Tutje, këngëtarja ka bërë edhe një shkrim tjetër, duke thënë se mbase ndjenja e patriotizmit po i rritet.

“Ose ndoshta me kalimin e viteve ndjenja e patriotizmit brenda meje po arrin majat”, ka shkruar Enca.

Muaj më parë, këngëtarja solli projektin e saj më të fundit të titulluar “Dua”, këngë kjo e cila u pëlqye në masë të madhe nga fansat, por nuk munguan edhe kritikat. /Telegrafi/