Enca: Kam rënë në dashuri

Ajo është një prej artisteve shqiptare e cila tërheq thuajse gjithnjë vëmendje, por jo vetëm me fotografitë atraktive që publikon.

Dhe Enca Haxhia shpesh imazhet e saj i shoqëron me ndonjë thënie apo mesazh të veçantë, përmes të cilit përçon informacione të ndryshme te publiku.

Një gjë të tillë e ka bërë së fundmi, ndërsa tregon se është dashuruar.

Këngëtarja Haxhia ka publikuar një fotografi në llogarinë personale, Instagram, së cilës ia ka vënë përshkrimin “Njerëz, unë jam dashuruar”.

Ndonëse deri më tani është deklaruar beqare, nuk është akoma e sigurt nëse ndokush ia ka rrëmbyer zemrën 24-vjeçares apo është vetëm një shaka.

E njëjta po ashtu tash e një kohë është duke punuar në projektin e ri, ku tashmë është pothuajse në finalizim të xhirimeve të klipit. Në një postim tjetër në InstaStory, ajo njoftoi se ende është duke iu përkushtuar klipit dhe bën të ditur se ka mbetur pa gjumë që disa orë.

Ndërkohë, “Jealous” mban titullin kënga e fundit e lansuar nga Enca, që në YouTube ka kaluar shifrën e 6.2 milionë shikimeve. /Telegrafi/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).