Emir Bajrami kthehet pas gati pesë muajsh

Mesfushori kosovar Emir Bajrami është inkuadruar te Monaco që në shtëpi pësoi disfatë nga Caeni me rezultatin 1:0. Bajrami në ndeshjen e zhvilluar të shtunën luajti nga minuta e 79-të, derisa për të kjo ishte ndeshja e parë pas gati pesë muajve.

Ai ndeshjen e fundit e luajti kundër Nimesit (1:1), më 14 dhjetor. Edhe në këtë ndeshje Bajrami pati luajtur dhjetë minutat e fundit. Bajrami në muajt e fundit ka luajtur për skuadrën e rezervave të Monacos.

Ai në dhjetë ndeshje të zhvilluara në Kategorinë e Dytë të Francës me Monacon ka shënuar një gol dhe ka dhënë një asistim. Humbja e vendit te Monaco i ka kushtuar edhe me humbjen e vendit në përfaqësuesen e Suedisë.(koha)