Emërime të kundërligjshme në shërbimin e jashtëm

Numër i konsiderueshëm shkeljesh dhe parregullsish janë konstatuar nga Auditori i Përgjithshëm në Minis

Disa nga shkeljet e konstatuara nga Auditori për periudhën e vitit 2014 janë tejkalimi i shpenzimeve, emërimet e kundërligjshme në shërbimin e jashtëm, si dhe shkelje të procedurave të prokurimit.

MPJ-ja që tani udhëhiqet nga Hashim Thaçi vazhdon t’i përsëritë shumicën e mangësive të cilat datojnë që nga paraardhësi i tij, Enver Hoxhaj, të cilat janë konstatuar në raportin e sivjetmë të auditorit.

Auditori i Përgjithshëm ka gjetur se në katër raste emërimet në misione diplomatike nuk ishin zhvilluar në përputhje me Rregulloren për shërbimin e jashtëm, përcjell koha.net. Në bazë të Rregullores për shërbimin e jashtëm, zyrtarët të cilët punojnë në MPJ dhe të cilët kanë shërbyer dy vjet në pozitat e tyre aktuale e plotësojnë kushtin që të shprehin interesim për të shërbyer në detyra specifike në ambasada dhe konsullata jashtë vendit.

http://koha.net/?id=27&l=65645