Elvana Gjata: Këto janë momentet kur më shumë se kurrë duhet të jemi të bashkuar

Këngëtarja e njohur dhe mjaft e pëlqyer shqiptare, Elvana Gjata, i është bashkuar grupit të këngëtarëve që janë solidarizuar dhe janë mobilizuar në ndihmë të popullit shqiptar, pas tragjedisë së tërmetit të rëndë.

Ky tërmet ka shkaktuar deri tani mbi 18 viktima, qindra të lënduar dhe dëme të mëdha materiale, shkruan Indeksonline.

Elvana Gjata përmes një postimi në llogarinë e saj në Instagram, ka shprehur keqardhje dhe ka thirrur në bashkimin e të gjithëve në ndihmë të njëri tjetrit.

“Këto janë momentet kur më shumë se kurrë duhet të jemi të bashkuar, të duam e të ndihmojmë njëri tjetrin, të jemi pranë atyre që hidhërimin e mbrëmjes së kaluar do ta kujtojnë gjatë gjithë jetës.” : ka shkruar Elvana Gjata.

Kujtojmë që kërkimet po vazhdojnë, në gërmadhat që janë shkaktuar nëpër vende të ndryshme, për gjetjen e mundshme të personave që mund të kenë nevojë për ndihmë. /Indeksonline/