Elton Cale ja siguron fitoren Gjilanit në Kupën e Kosovës

Në stadiumin “Boka” të Korishës së Prizrenit në 1-16 së finales së Kupës së Kosovës në futboll skuadra vendëse FC A&N është mposhtur nga Gjilani me rezultat minimal 1-0 duke kaluar në rrethin e tretë të garave me golin të cilin e shënoi mesfushori Elton Cale në pjesën e parë.

“Bardh e kuqët” e Gjilanit në fushën sintentike të Korishës u paraqiten me formacion të përgjysmuar ndërsa futbollistët e FC A&N të cilët janë formuar si klub në vitin 2017 bënë paraqitje tejet të mirë.

Në rrethin e dytë të Kupës së Kosovës marrin pjesë 32 skuadra.

Në ndeshjet e zhvilluara sot këto skuadra vazhdojnë garat për Kupën e Kosovës.
Gjilani, Drenica, Prishtina, Malisheva, Ulpiana, Ballkani, Llapi, Onix, Ramiz Sadiku, 2 Korriku dhe Fushë Kosova.

Fituesi i Kupës së Kosovës do të zë një vend në garat evropiane.