Elseid Hysaj vendos një rekord historik me Kombëtaren

Rekord në Kombëtare, Elseid Hysaj futet në histori si kapiteni me moshën më të re që prej vitit 1946, kur edhe Shqipëria ka nisur të zhvillojë ndeshje ndërkombëtare.

Para miqësores së djeshme kundër Katarit, në mungesë të Lorik Canës, shiritin e mori mbrojtësi shkodran që luan me Napolin në Serie A.

Vetëm 22 vjeç dhe askush më parë si ai në këtë moshë arrin të bëhet kapiten i Kombëtares kuqezi.

Ky rekord mbahej nga Loro Boriçi i cili mbante shiritin e kapitenit në moshën 24-vjeçare, pikërisht në vitin 1946 kur kuqezinjtë luanin ndeshjen e parë në histori kundër Malit të Zi në Shkodër.

Forma e shkëlqyer fizike e Hysaj dhe sezoni i mrekullueshëm me Napolin ka detyruar shumë klube të mëdha europiane të interesohen por të marrë shërbimet e mbrojtësit shqiptar./ Syri.net