Elife Sherifi zëdhënësja e FC Dritës e cila po thyen tabut

Shumë pak janë ato klube në futbollin e Kosovës që në radhët e veta kanë punëtore të gjinisë femërore. Për FC Dritën kjo temë nuk është tabu, pasi në këtë stinor në radhët e saj ka përforcuar stafin e saj me zëdhënësen e klubit për informim, Elife Sherifi.

Kjo nismë e re e “bardhekaltërve” të FC Dritës, duhet përshëndetur duke vendosur standarde të reja në futbollin e Kosovës duke u barazuar me ato evropiane me një qëllim të vetëm që klubi FC Drita të jetë transparent me mediat e shkruara e elektronike, duke mbajtur konferenca të rregullta me gazetarë.

Zëdhënësja e FC Drita, Elife Sherifi, gjatë karrierës së saj ka një bagazh angazhimesh në gazetari, ajo ka kryer studimet e gazetarisë në Prishtinë, ndërsa për 10 vite ka dhënë kontribut për të mirën e publikut në radio televizion dhe media elektronike.

Mediumet ku Elifja është angazhuar janë në TV Vali, 2lonline, Radio Star, Gazeta Sheshi, Gjirafa,biz, Indeksonline e në Periskopi, ndërsa një kontribut të jashtëzakonshëm ka dhënë edhe në organizatat joqeveritare në disa projekte.

Dashurinë ndaj futbollit e në veçanti ndaj FC Drita, Elifja e trashëgoi nga familja e saj duke u bërë njëra ndër tifozët më të zjarrta të gjinisë së bukur tek “bardhekaltërtit”.
“Me ngjyrat e klubit të Deitës jam rritur, e gjithë familja ime jemi me ngjyrat “bardhekaltër”, që nga fëmirija jam dashuruar në këto ngjyra dhe jam e lumtur që tani jam pjesë e kësaj familje të madhe të futbollit”, ka bërë të ditur, Elife Sherifi.

Zëdhënësja e FC Dritës, Elife Sherifi, ka theksuar se FC Drita padyshim është skuadra më e organizuar në futbollin e Kosovës.
“Ne po vendosim kritere evropiane të futbollit, gazetarët do të kenë qasje në klub për çdo interesim të tyre, do të jemi transparent për të gjithë rrjedhat e klubit e për këtë merita të veçanta kanë i gjithë stafi i klubit me të vetmin qëllim që dalëngadalë të bëhemi si klubet evropiane”, thekson zëdhënësja Sherifi.

Elifja ka edhe një porosi për të gjitha femrat të cilat e dojnë jo vetëm futbollin por në përgjithësi sportin që të angazhohen sa më tepër nëpër klube për të dhënë kontributin e tyre për të mirën e sportit e në veçanti të femrave./rajonipress/

Shpërndaje.
© RAJONIPRESS