Elhaida kalon pesë milionëshin: Ju faleminderit

Kënga “I’m Alive” e Elhaida Danit ka tejkaluar limitin e pesë milionë klikimeve në YouTube.

Edhe pse nuk arriti të renditet lartë në votimet e Eurosongut, siç transmeton Telegrafi, kënga e cila prezantoi Shqipërinë në festivalin evropian të këngës është shikuar dhe dëgjuar në YouTube më shumë se shumica e këngëve pjesëmarrëse, duke tejkaluar edhe shifrën jubilare të pesë milionë klikimeve.

Në shenjë falënderimi për këtë, këngëtarja ka postuar një mesazh në rrjetet sociale ku falënderon bashkëpunëtorët dhe fansat.
“Të arrij më shumë se pesë milionë shikime… kjo është e mahnitshme.

Dua t’i falënderoj djelmoshat e mahnitshëm, pozitiv dhe të talentuar të cilët e shkruan këngën për mua brenda tre ditësh. E gjithë kjo falë juve @zzapnchriss. Faleminderit shumë për tekstin e vërtetë dhe për punën e përkushtuar profesor @sokol_marsi. Faleminderit për punën e mahnitshme, dhe të mira dhe inspirimin që më ke thënë @darkodimitrov.

Faleminderit shumë po ashtu për @iamlindita, je shumë e talentuar… Faleminderit të gjithë ju për klikimet, shpërndarjet, coverat…
JU FALEMINDERIT

THANK YOUUUU ❤️ #stayalive #imalive”
/Telegrafi/