Elda Maliqi jeton në Norvegji, medaljet e fituara ia dedikon Kosovës

Gjilan – Elda Maliqi edhe pse ka lindur në Norvegji ajo për asnjë moment nuk e ka harruar gjuhën shqipe. Qysh në moshën gjashtë vjeçare ka nisur të merret me gjimnastikë ritmike dhe deri tani ka fituar disa medalje dhe njëkohësisht është edhe nxënëse shembullore në klasën e X-të derisa shkruan dhe flet shqip pa asnjë problem.

Elda Maliqi tani 15 vjeçare është shembulli më i mirë për të rinjtë e diasporës se si duhet të ruhet gjuha e shkrimi shqip.

Elda Maliqi ka lindur në Norvegji dhe qysh në moshën gjashtë vjeçare ka nisur të merret me gjimnastikë ritmike. Ajo tani pothuajse është profesioniste dhe merr pjesë nëpër shumë qytete të Norvegjisë, dhe ka fituar vendin e parë e të dytë disa herë radhazi dhe është shpërblyer me shume medalje.

Elda Maliqi ndryshe është nxënëse shembullore e klasës së X-të derisa gjuhën shqipe e flet dhe e shkruan pa asnjë problem.

Madje ajo si lëndë të huaj në Norvegji e ka zgjedhur pikërisht gjuhën shqipe. Elda megjithatë medaljet dhe tërë suksesin e saj ia dedikon Kosovës. “E dua Kosovën dhe e dua vendlindjen e familjes sime. Kudo që shkoj dhe kudo që marr pjesë në gara në mendje e kam Kosovën dhe shpresoj që një ditë të jem garuese në emër të flamurit të Kosovës” është porosia e Elda Maliqit./rajonipress/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).