Elbasan Rashani, heroi i Clermont në duelin me Strasbourgun – statistikat flasin më së miri për të

Elbasan Rashani kishte paraqitje fantastike te Clermont në duelin me Strasbourgun në kuadër të javës së 25-të në Ligue 1 që përfundoi 1-1.

Mysafirët kaluan në epërsi të parët me golin e realizuar nga Diallo në minutën e 34-të.

Por, në pjesën e dytë, heroi i Clermont ishte pikërisht Rashani, që i barazoi shifrat në 1-1 në minuan e 65-të.

Ai kishte po ashtu edhe dy gjuajtje brenda kuadratit të portës, ndërsa një herë goditi edhe shtyllën.

Sulmuesi 29-vjeçar kishte tri nga tri driblime të sakta, ndërsa kishte edhe tri faulle dhe shtatë nga 14 duele të fituara.

Ky ishte goli i tretë deri më tani për reprezentuesin e Kosovës në ligën franceze, ndërsa ka edhe një asistim. /Telegrafi/