Ekstrakti “magjik” i manaferrës ul rrezikun e diabetit të tipit 2 – përmirëson ndjeshmërinë ndaj insulinës me 22 për qind

Diabeti i tipit 2 është një gjendje që prek shumë njerëz në të gjithë botën.

Kjo formë më e zakonshme e diabetit shpesh lidhet me faktorët e stilit të jetesës, duke përfshirë dietën e pashëndetshme dhe mungesën e stërvitjes. Ajo bën që nivelet e sheqerit në gjak (glukoza) në trupin tuaj të bëhen shumë të larta.

Ka një sërë mënyrash për të kontrolluar sheqerin në gjak që mjeku juaj mund t’ju rekomandojë, duke përfshirë ilaçet, ndryshimin e dietës, humbjen e peshës dhe më shumë ushtrime.

Megjithatë, një studim, i botuar në Journal of Nutrition, ka zbuluar se marrja e ekstraktit të rrushit të zi çdo ditë mund të ketë një ndikim të rëndësishëm te pacientët me diabet të tipit 2. Në mënyrë të veçantë hulumtimi i kryer nga Universiteti John Moores i Liverpool-it provoi përdorimin e një ekstrakti të rrushit të zi të Zelandës së Re të quajtur CurraNZ.

Si pjesë e provës, 25 pjesëmarrës mbipeshë morën ose 600 mg CurraNZ ose një placebo çdo ditë për tetë ditë.

Suplementet u morën përpara se të hanin një vakt të lëngshëm të pasur me karbohidrate, me shumë yndyrë, dhe më pas vazhduan aktivitetet e tyre normale ditore dhe hanin dietat e tyre të zakonshme.

Ndjeshmëria ndaj insulinës dhe shënuesit e inflamacionit u vlerësuan në ditën e shtatë, ndërsa nivelet e sheqerit në gjak pas ngrënies u kontrolluan në ditën e tetë. Ai zbuloi se ndjeshmëria ndaj insulinës ishte përmirësuar me 22 për qind.

Kjo ishte domethënëse sepse ndjeshmëria e lartë ndaj insulinës çon në uljen e sheqerit në gjak. Dhe nivelet e sheqerit në gjak pas mëngjesit dhe drekës u ulën përkatësisht me nëntë për qind dhe tetë për qind. /Telegrafi/

Shpërndaje.
© RAJONIPRESS