Ekspozohen eksponate kulturore – historike të Kamenicës

Gjilan – Për nder të 100 vjetorit të Shtetit Shqiptarë , në Shtëpinë e Kulturës “ Isa Kastrati “ është hapur ekspozita me eksponate kulturore –historike, e organizuar nga Drejtoria e Kulturës Rinisë dhe Sportit.

Me rastin e hapjes së kësaj ekspozite, drejtori i Drejtorisë së Kulturës, Rinisë dhe Sportit, Faton Krasniqi tha se këtë ekspozitë me eksponate të artifakteve e kemi hap për nder të 100 vjetorit të shtetit shqiptarë.

Krasniqi tha se ky nuk është aktiviteti dhe veprimtaria e vetme që ne e kemi organizuar për nder të 100 vjetori të shtetit shqiptarë. Në ditët në vazhdim ne kemi edhe ekspozitën me piktura, gjithashtu ne kemi vendosjen e flamurit gjigant në qendër të qytetit, promovimi i revistës letrare “ Nositi, zbulimi i muralit në Shkollën Fillore “ Fan S. Noli”, koncert dhe Sfilata“Kuq e Zi” (Shtëpia e Modës “Erosi” nga Kamenica) , gjithashtu do të zhvillohen tri ndeshje futbolli:KF, Kamenica , KF “Kaolini”, KF Policia e Kosovës dhe KF”Galaksia”tha Krasniqi.

Me këtë rast koordinatorja e kulturës, Azemine Maliqi, u bëri thirrje qytetarëve të cilët posedojnë eksponate të rëndësisë kulturore- historike, t’i sjellin ato në zyret e Drejtorisë së Kulturës.

Qytetarët e pranishëm ishin të kënaqur që patën rastin të shohin një numër të konsiderueshëm të eksponateve që janë dëshmi kulturore të epokave të ndryshme historike, si: enë e epokës së bronzit, peshore e epokës së bronzit, pranga të epokës osmane, vegla pune të metalta, pjesë të qeramikës, gurë varrezor, gurë të gjetur në Kulinë, vegla druri, pjesë të tullave të kalasë në Kamenicë etj./rajonipress/