Ekspertizat sfidohen në rastin “Sopa”
Ekspertiza e misionit të EULEX’it lidhur me rrethanat e vdekjes të Hamdi Sopës, mendohet se bindi prokuroren e rastit, Natasha Vickary, të lirojë nga masa e paraburgimit bashkëshorten dhe dy vajzat e të ndjerit. 86 faqe të kësaj ekspertize të cilat pretendojnë të sqarojnë në mënyrë të detajuar se si janë shkaktuar plagët e Hamdi Sopës, mendohet se kanë hequr barrën kryesore të dyshimeve që rëndonin mbi familjarët e tij.
Bazuar në këtë dokument, Prokurorja Natasha Vickary, në fund të korrikut propozoi lirimin nga paraburgimi të të dyshuarave Sopa. Në këtë raport jepen përgjigjet në disa pyetje kyçe.
Ekspertiza e EULEX-it konstaton se therja në trupin e Sopës ka qenë fare e lehtë dhe e njëjta nuk ka qenë vdekjeprurëse. Madje ka qenë e vetëshërueshme.
Për goditjet pas koke pretendohet se ato i janë shkaktuar të ndjerit nga rrëzimi në banjë ose nga rënia e tij nga kati i nëntë i banesës… (Tribuna).