Eksperti britanik: Drama po i afrohet momentit të së vërtetës, për veriun e Kosovës ka vetëm një skenar

Drama dy-dekadëshe në Kosovë po shkon drejt momentit të saj të shumëpritur të së vërtetës, beson Timothy Less, bashkëpunëtor i Demostat nga Universiteti i Cambridgeit. Sidoqoftë, ai nuk e përjashton mundësinë ekstreme që forcat e Kosovës, si dhe ushtria serbe, të përpiqen të vendosin kontroll mbi veriun e Kosovës në të ardhmen e parashikueshme, transmeton Gazeta Express.

Less beson se kjo do ta përmbyste gjithashtu debatin për të ardhmen e Kosovës, sepse “statusi i serbëve në Jug do të fillojë të konsiderohet, i cili pa dyshim do ta lidhë Serbinë me statusin e shqiptarëve në Luginën e Preshevës”.

Ai parashikon që çështja e së ardhmes së Kosovës ndoshta do të marrë një dimension më të gjerë, duke e lidhur këtu mundësinë e bashkimit me Shqipërinë.

“Kriza në Bosnjë po rritet paralelisht, ku serbët po përpiqen për shpërbërjen përfundimtare të shtetit dhe këto dy drama sigurisht që do të lidhen”, thotë Less.

“Në çdo rast, nëse Serbia e kërcënon Kosovën, dhe vëzhguesit e jashtëm nuk e mbështesin Kosovën, është pothuajse e sigurt që Kosova do t’i afrohet Shqipërisë, në mënyrë që të fitojë mbështetje dhe siguri, gjë që do ta bëjë bashkimin edhe më të sigurt”, shpjegoi Less, transmeton Express.

Sidoqoftë, sipas parashikimit të guximshëm të ekspertit britanik, faza tjetër në zgjidhjen e problemeve mes Kosovës dhe Serbisë ndoshta do të përcaktohet me forcë.

“Do të jetë një zhvillim dramatik i situatës, por është logjike që është skenari i vetëm që mbetet, nëse shqiptarët nuk e duan status-quo-në ose formimin e Asociacionit të komunave me shumicë serbe, dhe Serbia refuzon idenë e integrimit të veriut në pjesën tjetër të Kosovës”, tha Less, transmeton N1.