Ekskluzive: Ja kur do të vij Muslija te Kosova!

Një ndër futbollistët më të përfolur që mund të vijë te Kosova është Florent Muslija. Anëtari i Hanoverit ka zhvilluar 13 ndeshje këtë edicion në Bundesligë.

Burime të Indeksonline, bëjnë të ditur që Muslija ka kërkuar kohë për të vendosur që të vijë të Kosova.

Sipas këtyre burimeve, 20 vjeçari do të jetë në dispozicion për Kosovën për ndeshjen gjysmëfinale në Ligën e Kombeve kundër Maqedonisë e cila zhvillohet pas 1 viti.

Trajneri Bernard Challandes ditë më parë ka konfirmuar që zhvillon biseda të përditshme me futbollistë si Meritan Shabani, Florent Muslija e Florent Hadërgjonaj por sipas zviceranit aktualisht asnjëri nuk ka marrë vendim për të përfaqësuar “Dardanët”.

Sa i përket Hadërgjonajt, Indeksonline ka raportuar që ai do të jetë i gatshëm në qershor për ndeshjet kundër Malit të Zi dhe Bullgarisë. /Indeksonline/