Ekskluzive: Erdonis Maliqi shënon fitoren e parë në Kampionatin Evropian të Boksit

Gjilan – Boksieri më i talentuar që ka pasur jo vetëm qyteti i Gjilanit por edhe boksi Kosovar, Erdonis Maliqi në meqin e parë të tij në boks të Kampionatit Evropian i cili po mbahet në Kaposavar të Hungarisë ka shënuar fitore bindëse duke e deklasuar kundërshtarin e tij Barabvykas Danatas nga Lituania.

Meqi i cili u zhvillua sot nga ora 19:00, boksieri Maliqi ka treguar boks cilësor duke e mposhtur gjatë tri raundeve me rezultat 3-0.

15-të vjeqari Erdonis Maliqi sipas trajnerit të Përfaqësueses së Kosovës Nazim Halili po dëshmon se kemi të bëjmë me një boksier të madh në mes litarëve.
“Erdonisi gjatë tri raundeve ka shkëlqyer, gjithçka ka funksionuar prefekt ndërsa kundërshtari ynë Lituanezi ka qenë një boksier shumë i fort njëri ndër kandidatët për medale, për mua Erdonisi i ka 7-të zemra me luftën që ka bërë sot jam shumë krenar si me fitoren e arritur njëashtu edhe me përfaqësimin e shtetit tonë në Kaposvar të Hungarisë”, bënë të ditur Halili.

Në meqin e dytë boksieri Gjilanas për kundërshtar do të ketë kampionin botëror Ilia Popov nga Rusia ose boksierin nga Danimarka, Teryan Nikolai./rajonipress/