EKSKLUZIVE: Arbesa Sinanaj bën jurinë e “X Factor” në Gjermani të qajë

Pas suksesit të këngëtares tashmë me famë botërore Rita Ora, Vanesa Krasniqit e cila mahniti jurinë e “DSDS”, Ardian Bujupit, Mark Markut etj, është momenti i Arbesa Sinanaj.

16 vjeçarja e cila ka lindur në Gjermani nga një familje me prejardhje nga Podujeva ka bërë të qajë jurinë dhe publikun e “X Factor” në Gjermani me paraqitjen e saj.

Ajo interpretoj këngën “You Found me “ nga The Fray.

E kontaktuar ekskuzivisht nga indeksonline Arbesa tha se gjithë pjesëmarrja e saj në “X Factor” ka qenë shumë spontane, por jo edhe talenti i saj për muzikën pasi që rrjedh nga një familje muzicientësh.
“Muzika për mua është gjithçka. Nuk e kam planifuar të shkoj në “X Factor” këtë vitë por ka qenë një aksion spontan”, tregon ajo.

Mediat kryesore gjermane të cilat kanë shkruar për Arbesën kanë pasur vetëm fjalë lavdëruese për talentën kosovare. Anëtarja e jurisë e këtij spektakli, këngëtarja me famë botërore, Sarah Connor tha se zëri i saj është zë që depërton thëllë në shpirt dhe se ajo ka kohë që po kërkonte diçka të tillë.

Ajo që më së shumti u emocionua nga performanca e Arbesës ishte anëtarja tjetër Sandra Nasic, e cila nuk mundi ti ndalte lotët.
“Kur kam parë Sandra-n duke qarë nuk mund ta besoja. Unë asnjëherë skam qenë para një publiku aq të madhë dhe prandaj kam pas shumë frikë por e di se kjo është normale pasi që për herë të parë kam dalë në televizon”, vazhdon Arbesa për indeksonline.

Familja e saj përbëhet nga prindërit dhe 4 motrat dhe një vëlla.
“Edhe motra ime, Vanessa Sinanaj këndon derisa vëllau Fetah Sinanaj luan në piano. Ne të tre bëjmë muzikë bashkë dhe kënaqemi”, tha Arbesa për indeksonline.

Edicioni i rradhës i cili do të zbulojë nesë Arbesa është kualifikuar apo jo për fazën tjetër e cila mund ta dërgoj drejt finales së madhe do të mbahet me 26 gusht dhe do të transmetohet në televizonin gjerman “RTL”.

Arbesa tha se pret përkrahjen e bashkëatdhetarëve të saj e cila do t’i ndihmojë shumë në vazhdim. Ne patjetër i urojmë shumë suksese dhe le të vazhdojë suksesi i shqiptareve në botë. Paraqitjen e saj emocionale keni mundësit a shihni në këtë link

http://www.vox.de/medien/sendungen/x-factor/news/25f78-12cb67-67d4-25/x-factor-2012-kandidatin-arbesa-sinanaj-bringt-sandra-nasic-komplett-aus-der-fassung.html