Ekipi më i mirë i javës nga FIFA, në mesin e shumë yjeve edhe Besart Berisha
RajoniPress
16:58, 22 Mars, 2018
Besart Berisha ka shkëlqyer ditë më parë në kampionatin australian.
Sulmuesi nga Kosova ka qenë vendimtar në fitoren e skuadrës së tij Melbourne Victory 5-2 ndaj Central Coast Marines.
32-vjeçari realizoi het-trik në këtë takim për t’i siguruar tri pikë të reja Melbournit.
E kjo ka bërë që ai të vlerësohet lartë dhe të futet në ekipin më të mirë të javës nga FIFA.
Besart Berisha duke festuar njërin nga golat me Melbourne Victory (Photo /Getty Images)
Falë tre golave të shënuar, Berisha është në mesin e 23 lojtarëve më të mirë në botë.
Ai shihet si zëvendësues i sulmuesve si Salah, Icardi dhe Gelson Fernandez që janë në formacionin e parë.
Me tre golat e shënuar në fundjavë, Besarti ka arritur në kuotën e 12 golave në kampionatin asutralian ku ka edhe katër asistime.
Kjo nuk ishte hera e parë për Berishën që bënë pjesë në formacionin më të mirë, pasi një gjë të tillë e kishte bërë edhe vitin e kaluar. /Telegrafi/
