Edonis Beqiri boksieri që po hap shtigjet e boksit profesionist

Gjilan – Boksieri Gjilanas me prejardhje nga Makreshi pas boksit amator me hapa të mëdhenj po ngjitet në arenën e boksit profesionist.

Beqiri i cili jeton dhe vepron në Berlin të Gjermanisë i cili bokson nën ombrellën e klubit Gjerman Polex tani e një kohë ka shtuar intensitetin e ushtrimeve në mes litarëve pasi me 26 Nëntor do të ketë meqin e tij të dytë profesionist në Berlin të Gjermanisë.

Shtatlarti Edonis Beqiri nën drejtimin e trajnerit të mirënjohur Gjerman Detlef Kun është në vlugun më të madh të ushtrimeve.

“Kanë qenë stërvitje tejet të mundimshme fizike por jam shumë i kënaqur me të arriturat, kundërshtari i ardhshëm i imi është një boksier mjaft cilësor nga Gjermania Johannes Missel por me punën që kam bërë me ekipin tim shpresoj se do të shënoj fitore për të hapur shtigjet e boksit profesionist”.

21 vjeqari Beqiri tërë meritat për zhvillimin e tij si boksier ia dedikon trajnerit të tij Detlef Kun. “Është një trajner shumë i zoti dhe i besueshëm nëpërmjet tij kanë dalur shumë emra të mëdhenj të boksit, por një falënderim të madhë do t`ia kisha kushtuar edhe sparing partnerëve të mijë dhe njeriut i cili në çdo hap më ndihmon është bashkatdhetari i ynë nga Peja Kastriot Thaçi”.

I dashuruar në popullin e Kosovës dhe në shtetin e saj Beqiri për dashamirët e boksit ka një porosi.
“Në meqin e parë kam mposhtur një boksier serb ndërsa për meqin me 26 Nëntor ju premtoj fitore pasi jam i përgatitur maksimalisht”./rajonipress/