Edona Llalloshi i kthehet luftës, një këngë për Kosharen

Edona Llalloshi, e cila ishte parë gjithmonë afër presidentit Rugova pas luftës, ka vendosur që pas një kohe të gjatë të bëj një këngë për betejën e Kosharës, për dëshmorët e saj dhe heroin e kësaj lufte, Agim Ramadani.

Edona Llalloshi pritet që të jetë shpejt në ekranet e tona por me një këngë pak më ndryshe.

Edona pritet që të bëj një këngë për betejën e Kosharës, për dëshmorët dhe për heroin e kësaj beteje.

“Në bashkëpunim me autorin e këngës dhe të tekstit Arsim Bunjakun dhe me orkestrim të maestros Florent Boshnjaku, pas një pune të gjatë u permbyll me mjaft sukses dhe mënyrën më të mire kënga e titulluar, Heroi”, ka thënë ajo.

Tashmë ajo ka lëshuar një trailer të videos së saj, i cili pritet që të transmetohet së shpejti nëpër televizionet tona.

“ Me punën e palodhshme dhe me profesionalizëm shumë të lartë, është dashtë kogja kohë për t’u realizuar ky videoklip i veçantë me shumë skena pothuajse të pa para deri më tani tek ne, e gjithë kjo u përgatit dhe u realizua natyrisht nga i vëllai dhe produksioni EMFcreative. Kur u mblodhën këto të gjitha, mundemi me thonë lirisht se si përfundim ka dalë një projekt i jashtëzakonshëm siç ka qenë e jashtëzakonshme edhe kjo betejë. Premiera e të cilit do të jetë me datën 30.12.2014 në Kinemanë ABC prej orës 13:00. Të ftuar janë pothuajse shumica e fytyrave publike si ato të luftës, politikës dhe shoëbizit Kosovarë’, ka thënë Edona.