Edon Zhegrova realizon një euro gol në kualifikimet për në Ligën e Kampionëve
RajoniPress
23:05, 20 Gusht, 2024
| 10 muaj më parë
Lille e ka fituar ndeshjen e parë me rezultat 2-0 përballë Slavia Pragës në kuadër të kualifikimeve për në fazën e grupeve të Ligës së Kampionëve.
Pjesa e parë përfundoi pa gola, përkundër se të dy skuadrat patën raste të mira shënimi.
Por, 45 minutat e dytë patën një pamje krejtësisht tjetër, pasi u shënuan dy gola.
Fillimisht, Jonathan David kaloi Lillen në epërsi në minutën e 52-të me një asistim të Haraldsson.
Fitoren e skuadrës franceze e vulosi Edon Zhegrova që realizoi një super gol në minutën e 77-të, me një asistim të David.
Lojtari nga Kosova po vazhdon të impresionojë me paraqitjet e tij te Lille, ndërsa synojnë të futen në fazën e grupeve të garës më të madhe për klube në Evropë. /Telegrafi/
