Edion Kastrati talenti që pritet të bëj emër në futbollin evropian

I lindur në shtetin e Gjermanisë, 15 vjeqari Edion Kastrati, me prejardhje nga Karaqeva e Kamenicës, në asnjë moment nuk e harron vendlindjen e prindërve të tij – shtetin e Kosovës. Edion Kastrati edhe pse i ri nga mosha, tani e tetë vite ka filluar të merret me futboll, ku synime të qartë ka që një ditë të jetë futbollist profesionist, por edhe ta djersit fanellën e Kombëtares së Kosovës. Futbollisti këmbëshpejtë, Kastrati, është njëri ndër talentët më të mëdhenj në kategoritë e reja në skuadrën gjermane Freiburger FC, duke bërë që tani disa skuadra të shtojnë interesimin për ta pasur në radhët e tyre.

Kastrati po mahnitë njohësit e futbollit gjerman për cilësinë të cilën e posedon si sulmues i krahut, i cili është bërë ‘tmerr’ për portat kundërshtare. “Me futboll kam filluar që nga mosha gjashtë vjeçare, inspirimi im ishte futbollisti Cristiano Ronaldo. Tani jam pjesë e skuadrës Freiburger FC, e cila është një skuadër shumë profesioniste me individ të mëdhenj të futbollit, deri më tani jam i kënaqur me atë çka kam arritur, por me punë të vazhdueshme dëshiroj që ti preki majet e futbollit evropian dhe të jem pjesë e një skuadre të madhe të futbollit”, ka bërë të ditur Edion Kastrati.

Talenti i futbollit Edion Kastrati, përpos që është një futbollist kualitativ, ai është mjaft i edukuar në frymën sportive, këtë e ka dëshmuar shumë herë në fushën e blertë të futbollit si për nga cilësia, poashtu edhe nga kultura sportive. Se sa është i dashuruar Edion Kastrati në shtetin e Kosovës dëshmon se ai vazhdimisht afër ti ka flamurin kombëtar dhe të shtetit të Kosovës.

Këto ditë të pushimit Kastrati gjendet në Kosovë, por ai as këtu nuk i ka ndalur në asnjë moment stërvitjet për të qenë në formë fizike. Dëshira e ëndrra e këtij talenti të madh të futbollit është që një ditë t`i mbrojë ngjyrat e Kombëtares së Kosovës.

”Edhe pse kam lindur në shtetin e Gjermanisë, dëshira ime është që një ditë të kontribuoj për Kombëtaren e Kosovës në futboll, për ta bërë krenar familjen time të cilët më përkrahin në të gjitha mënyrat. Synim i imi është që tani ta bindi Përzgjedhësin e Kosovës U17, për të më dërguar ftesën që të jem pjesë e Kombëtares. Do të ishte një ëndërr e bukur dhe do të ndihesha shumë krenar me këtë ftesë dhe ju premtoj se nuk do t`ju zhgënjej”.

Shteti e futbolli i Kosovës duhet të jetë me fat që ka një talent të tillë, i cili po mahnitë njohësit e futbollit gjerman. Këta talent duhet t`i kemi në vëzhgim për t`i mos humbur më vonë./rajonipress/