‘Edicioni i Berishës’

Portieri kosovar i Lazios, Etrit Berisha, po vazhdon të jetë në qendër të vëmendjes nga ana e mediave evropiane. Pas një sezoni shumë të mirë me skuadrën nga kryeqyteti italian, Berisha pritet që të paraqitet akoma më mirë në portën e lacianëve këtë edicion.

Me paraqitjet e stinorit të kaluar dhe me karakterin e tij, tani më Berisha e ka besimin e tifozëve bardhekaltër dhe të klubit. Kështu vlerësojnë analistët e portierëve nga Italia për gjigantin ‘Eurosport’.

Ata e konsiderojnë Etritin si bast të sigurt, sidomos pasi që tani ka postin e titullarit. “Etrit Berisha është një bast i yni, sidomos pasi që i mori vendin e titullarit te Lazio, Marchettit. Berisha duket më poshtë me vlerësim statistikor, por ai ka më shumë pritje të sigurta (7-6) dhe më shumë parada (38-36)”, raporton ‘Eurosport’.

Berisha këtë edicion pritet të ketë akoma më shumë minutazh te Lazio. Skuadra e Lorik Canës dhe Etrit Berishës, në xhiron e parë të kampionatit italian Serie A, do të luajë në udhëtim kundër Milanit.