Edi, talenti nga Kosova që synon Formula 1

Zvicra vazhdon të rritë talentë kosovarë në sporte të ndryshme. Kësaj radhe bëhet fjalë për një talent nga Kosova në një sport që për vendin tonë mbetet vetëm ëndërr ta shikojmë nga afër.

Edi Haxhiu është talenti nga Prishtina që jeton në Zvicër ndërsa shquhet për talentin e madh që ka në garat e shpejtësisë. Edi ka filluar të bëjë karrierë në Zvicër duke qenë një nga talentët që premton shumë në Formula.

Talenti i Edit u pa në garën zyrtare të “Formula BMW Talent Cup” ku ishte i jashtëzakonshëm me performancën e tij.

Gjigandi i veturave “BMW” nënshkroi kontratë me Edin duke bërë hapin e parë të karrierës.

Talenti i Edit vërehet dukshëm në garat me bashkëmoshatarët e tij ndërsa performancat e tij nuk i’u kanë ikur nga sytë edhe zvicëranëve të cilët e shohin Edin një djalosh që premton shumë në këtë sport.

Ne i dëshirojmë karrierë të bujshme Edit tonë, ndërsa shpresojmë se një ditë në bolidin e tij krahas flamurit zvicëran, mund ta shohim edhe flamurin nga Kosova./Indeksonline/