Edi Shaqiri futbollisti i ardhmërisë

Gjilan – Në mesin e KF Drita të Gjilanit po lind një yll i futbollit jo vetëm i Dritës por i Kosovës e më gjerë, e ky është Edi Shaqiri i cili me paraqitjet e tija në fushën e blertë të futbollit po i mahnitë njohësit e futbollit.

Edi i cili edhe pak muaj i mbush 18-të pranvera tani e 5 vite në kategoritë e tija futbollistike të paraqitura po tregon cilësi të larta të futbollistit.

I dashuruar në topin magjik të futbollit ky talent i futbollit njëherit është edhe nxënës shembullor i cili ka një kulturë të lart si në futboll njëashtu edhe në jetën e përditshme.

Edi më të madhe ka kontribuar gjatë stinorit të kaluar për sukseset e KF Drita për Juniorët duke mposhtur portat kundërshtare 14-të herë.

Karakteristikë e këtij djaloshi janë dy këmbët e tija edhe pse luan në rolin e mesfushorit të majtë, ai posedon një cilësi të lartë në driblingun e topit, gjuajtjet drejt portave kundërshtare ndërsa pasimet e këtij talenti janë tejet të sakta.

“Për mua futbolli është një pjesë e jetës kur jam me futbollin jam shumë i lumtur dhe ndjejë kënaqësi të jashtëzakonshme, ndërsa në ato ndeshje kur nuk shënoj në portat kundërshtare e ndjejë vetën shumë keq, në mesin e klubit kemi shumë futbollist cilësor dhe me të vërtet kemi një ardhmëri të mirë”, thekson i riu Shaqiri.

Edi ndihet shumë krenar që më në fund edhe futbolli i Kosovës po e shijon arenën ndërkombëtare.
“Ne do të jemi ardhmëria e futbollit të Kosovës, gjeneratat e mia do të arrijnë synimet e futbollit të Kosovës që dikur ishin vetëm iluzione vetëm duhet punuar dhe më tepër t’ju jepet rasti gjeneratave të reja dhe shpresoj se suksesi nuk do të mungon”, shprehet Shaqiri.

I dashuruar pas shkollës e futbollit, Edi simpatizon klubin mbretërorë Real Madrid dhe futbollistin Portugez Ronaldo që njëherit është inspirimi i tij në jetën e futbollit.
“Dua që karrierën ta vazhdoj në ndonjë skuadër të madhe për këtë jam i bindur se mund t’ja arrijë pasi punojë me përkushtim të madh, ndërsa tani kur jemi të pranuar në FIFA e UEFA rrugët tona janë të hapura dhe këtë duhet shfrytëzuar maksimalisht”, bënë të ditur talenti i madh, Edi Shaqiri.

Duhet kuptuar se talenti nuk ndërtohet, talenti lind dhe atë duhet shfrytëzuar me punë dhe suksesi nuk do të mungoj ndërsa njohësit e futbollit nuk duhet lëshuar këtë xhevahir të futbollit nga duart.

Fjalë të mëdha për këtë futbollist të jashtëzakonshëm ka edhe trajneri i Juniorëve të Dritës, Shefket Sërmaxhaj.
“Edi është një futbollist që rrallë shfaqet në fushat e futbolli ky talent i futbollit ka një ardhmëri të ndritur të futbollit është fat që e kemi në mesin tonë ndërsa me plot bindje theksoj se Edi është ardhmëri e futbollit të Kosovës./sylejman ismajli/rajonipress/