Edhe Surdulli kandidat për deputet

Gjilan – Kreu i LDK-së në Kamenicë dhe ish kryetari i kësaj komune Shaip Surdulli tha për rajonipress se dega e LDK-së në këtë qytet është e përgatitur maksimalisht për zgjedhjet nacionale. Kemi kuadro të afta e të dëshmuara për tu kandiduar dhe sigurisht njëri nga ta jam edhe unë tha Surdulli.

Dega e LDK-së në Kamenicë ka filluar përgatitjet intensive për zgjedhjet nacionale. Drejtuesit e saj presin fitore për kandidatët e tyre deputet duke u bazuar në qeverisjen e dobët komunale dhe në gabimet e shumta të Qeverisë Qendrore karshi nevojave dhe kërkesave që kanë qytetarët e Kamenicës raporton rajonipress.

Shaip Surdulli tha për rajonipress se LDK në Kamenicë pret rezultat shumë të favorshëm nga zgjedhjet nacionale.”Jemi përgatitur maksimalisht që në zgjedhjet nacionale rezultati të jetë bindës. Qytetarët e Kamenicës kanë shumë arsye që të votojnë për kandidatët e LDK-së sepse kemi një qeverisje lokale shumë të dobët” tha Surdulli.

Surdulli tha se LDK në Kamenicë ka kuadro të aftë e të dëshmuar për tu kandiduar për deputet. “Kuadrot tona janë të verifikuara dhe me të drejtë elektorati ynë pret shumë nga ata. Kemi njerëz të fushës akademike, politikanë të ndërtuar dhe me karrierë të mirë politike dhe mbi të gjitha kemi kuadro që me vite kanë kontribuar për qytetarin e Kamenicës”.

Surdulli tha se në takimin e së dielës ku pritet të takohen të gjitha nëndegët e LDK-së pritet të jepen propozimet për deputet dhe në mesin e tyre sigurisht edhe unë do të jem njëri prej tyre tha ai./rajonipress/