Edhe shkakton aksident, edhe tenton të largohet nga vendi i ngjarjes

Gjilan – Policia e Kosovës e ka pranuar një informatë se në fshatin Malishevëtë Gjilanit ka ndodhur një rast “Lëndim i rëndë trupor”. Nga hetimet e para në vendin e ngjarjes mësohet se deri te rasti në fjalë ka ardhur në çastin kur i dyshuari Shqiptar shtetas i Kosovës duke e drejtuar motoçikletën e tij Mondial 125 në fshatin Malishevë e godet veturën e viktimës, të llojit Peugeot.

I dyshuari fillimisht ka dashur të largohet nga vendi i ngjarjes, ndërsa më pastaj pas një fjalosje të ashpër, i dyshuari e godet viktimën me grushtë në fytyrë duke i shkaktuar lëndim të rëndë trupor.

Viktima ka marrë tretmanin mjekësor. I dyshuari me urdhër të prokurorit, Departamenti i Përgjithshëm Gjilan është ndalur në mbajtje për dyzetë e tetë (48) orë kurse rasti shkon në Gjykatë tha Ismet Hashani./rajonipress/