Edhe pse të integruar, Sanida dhe Enisi duhet ta lëshojnë Austrinë

Për këtë familje, fjalë të mira ka folur edhe kryetari i Klaffer-it, Franz Wanger. “E gjithë familja është një shembull i integrimit”, thotë ai.

Para 14 muajve Sanida dhe Enis Avdijaj së bashku më prindërit e tyre dhe vëllain e vogël kanë ardhur në Klaffer të Austrisë. Këtu ata janë duke ndërtuar të ardhmen e tyre. Por, e gjithë familja kosovare është në ankth për shkak të paralajmërimit për deportim, shkruan tips.at

Si dy të rinjtë ashtu as redaksia e tips.at nuk po arrin të kuptojnë pse kjo familje duhet të kthehet në Kosovë. “Ne këtu kemi filluar mësimin. Sanida punon në Bärnsteinhof, Enisi në hotel Almesberger”, thonë dy të rinjtë. “Edhe babai ynë punon dhe ne mundemi tashmë të kujdesimi për vetveten. Ne nuk kemi nevojë më për ndihmë”, transmeton “albinfo.ch” fjalët e dy të rinjve të cilët përgjatë këtyre muajve në Austri kanë mësuar mirë edhe gjuhën gjermane. Në kohën e lirë, ata punojnë punë vullnetare në Aigen Schlagl.

Familja nga Kosova ka marrë përgjigje negative dhe nuk i është aprovuar kërkesa për azil. E gjithë e ardhmja e tyre tashmë mund të përmbyset. “Ne nuk dëshirojmë të kthehemi”, thonë dy të rinjtë, me shpresën se do të gjejnë përkrahje edhe prej të tjerëve, njofton “albinfo.ch”

Shembull i integrimit

Për këtë familje, fjalë të mira ka folur edhe kryetari i Klaffer-it, Franz Wanger. “E gjithë familja është një shembull i integrimit. Ata na ndihmojnë në të gjitha punët e nevojshme që kemi këtu. Ne po përpiqemi që ata të fitojnë të drejtën e qëndrimit këtu. Ata kanë një bazë pse janë larguar nga Kosova”, thotë Wanger.

Në komunën e Klaffer-it janë të vendosur 46 azilkërkues. Komuna po mundohet t`i ndihmojë ata të integrohen. Por, edhe falë punës së tyre vullnetare vërtet gjithçka po shkon për se mbari, thotë kryetari i këtij vendi./albinfo/