Edhe partitë i nënshtrohen ligjit

Ndonëse po mbushen gati dy dekada nga realiteti i ri politik i krijuar në Kosovë dhe një dekadë nga shpallja e pavarësisë, klasa politike akoma nuk u kujtua që ta iniciojë në Kuvend bërjen e një ligji të qartë që definon saktë rolin dhe përgjegjësinë e partive politike, për respektim të Kushtetutës dhe ligjeve të shtetit. Në Kuvendin e Kosovës akoma kemi të përfaqësuara subjekte politike që mbajnë ulëse deputetësh dhe zbatojnë urdhra të një shteti tjetër, duke injoruar ligjet dhe Kushtetutën e këtij vendi, siç është rasti i Listës Serbe.

Kërkohet miratimi i legjislacionit, shkruan gazeta Kosova Sot.

Ndonëse po mbushen gati dy dekada nga realiteti i ri politik i krijuar në Kosovë dhe një dekadë nga shpallja e pavarësisë, klasa politike akoma nuk u kujtua që ta iniciojë në Kuvend bërjen e një ligji të qartë që definon saktë rolin dhe përgjegjësinë e partive politike, për respektim të Kushtetutës dhe ligjeve të shtetit. Në Kuvendin e Kosovës akoma kemi të përfaqësuara subjekte politike që mbajnë ulëse deputetësh dhe zbatojnë urdhra të një shteti tjetër, duke injoruar ligjet dhe Kushtetutën e këtij vendi, siç është rasti i Listës Serbe.

Njëkohësisht kemi edhe një subjekt tjetër politik shqiptar, Lëvizjen ‘Vetëvendosje’ që qeveris me një komunë, rasti i kryeqytetit të Kosovës, Prishtinës, dhe nuk bindet që të njohë as flamurin, as himnin, pra as Kushtetutën.

Njohësit e fushës së sundimit të ligjit dhe analistët politikë konsiderojnë se është koha e fundit kur shteti duhet të nxjerrë ligj të qartë edhe sa i takon rregullimit të kësaj fushe, sepse nuk ka kurrfarë logjike që një parti politike që pretendon të marrë pushtet dhe t’i drejtojë institucionet e shtetit, të mos i respekton paraprakisht ligjet dhe Kushtetutën e këtij shteti. “Nuk mendoj që ndodh diku tjetër në botë, përpos në Kosovë, që partitë politike që marrin rol udhëheqës të mos i respektojnë simbolet e shtetit dhe Kushtetutën e vendit. Po ashtu, vetëm në Kosovë, në vendin e paradokseve të shumta, ndodh që deputetët dhe liderët partiakë të mos i njohin dhe respektojnë ligjet dhe Kushtetutën e vendit dhe prapë të vazhdojnë t’i gëzojnë të gjitha beneficionet nga shteti, duke filluar nga pagat e majme, honorarët dhe privilegjet e tjera të shumta, duke u thirrur në emrin e posteve shtetërore, kurse në anën tjetër shtetit të mos i njohin simbolet, himnin, Kushtetutën dhe ligjet, siç është rasti me krerët, deputetët dhe aktivistët e Lëvizjes ‘Vetëvendosje'”, tha analisti politik Florim Zeqa.

Benefitet i marrin, shtetin e refuzojnë

Zeqa ka pohuar se posaçërisht sjellja tepër e papërgjegjshme dhe e pamoralshme e liderëve të VV-së, me kritere të dyfishta ndaj shtetit dhe qytetarëve, është pak më tepër se skandaloze. “Kur u bie mirë, të marrin paga të larta nga shteti, e pranojnë, të bëjnë vizita jashtë vendit në emër të shtetit e pranojnë, të fitojnë tenderë qindra milionësh nga buxheti i shtetit e pranojnë!…, ndërsa kur është në pyetje konsumi i politikës ditore e refuzojnë shtetin, i injorojnë simbolet shtetërore dhe Kushtetutën e vendit. I gjithë ky skandal politik dhe ligjor po ndodh shkaku i mungesës së një ligji që përcakton qartë rregullat e “lojës” politike, të drejtat dhe përgjegjësit e subjekteve politike. Andaj, njëri ndër lëshimet e shumta të infrastrukturës ligjore është edhe ligji mbi përgjegjësitë e partive politike, liderëve partiakë dhe deputetëve të Kuvendit, përfshirë edhe kuvendet komunale”, tha analisti Florim Zeqa. Ai ka pohuar se përcaktimi i qartë me ligj i rolit dhe përgjegjësive të partive politike, për respektim të Kushtetutës dhe ligjeve të shtetit, si dhe masat ndëshkuese për mosrespektim, duke filluar nga ndalesa e pagës e deri të marrja e mandatit politik të subjektit apo individëve të caktuar që shkelin ligjin dhe Kushtetutën e vendit, duhet të bëhet me ligj, i cili duhet të jetë top-prioritet i Qeverisë dhe Kuvendit të Kosovës./kosova sot/