Edhe pak ditë “pushtet” për njeriun që theu izolimin

Prishtinë – Ishte akuzuar se po rrinte vetëm në “bisht të aeroplanit”. Ishte akuzuar edhe se po shpenzonte kot kohë e mjete financiare, duke u munduar të siguronte njohje ndërkombëtare për Federatën sportive që e drejtonte.

Por suksesi që ka arritur Federata e Hendbollit e Kosovës tetë vjet më parë nën udhëheqjen e Mexhit Devajës vazhdon të jetë i largët për federatat e tjera kosovare të sporteve kolektive.

Kjo e bën krenar, sidomos tash, në ditët e tij të fundit si kryetar i FHK-së.

“Hendbolli ka pasur nevojë për mua, e jo unë për hendbollin, tha Devaja të mërkurën.

Në kohën kur skuadrat kosovare të hendbollit paraqiten rregullisht në gara evropiane, Federata e Futbollit e Kosovës ka koncentruar një pjesë të madhe të energjisë në sigurimin e lejes për zhvillimin e ndeshjeve miqësore ndërkombëtare. Federata e Basketbollit e Kosovës po punon për të siguruar pjesëmarrjen testuese të një skuadre në një ligë rajonale, që nuk ka peshë të madhe në basketbollin ndërkombëtar.

Sfidat me të cilat po përballen dy prej federatave më të mëdha në vend, Federata e Hendbollit e Kosovës i ka zgjidhur para plot tetë vjetësh. Madje, FHK-ja ka arritur shumë më shumë se që sot po pretendojnë FFK-ja e FBK-ja.(koha)