RCCOLA

Edhe njëherë Gerhard Progni i sjell Gjilanit fitore

/ 2 minuta lexim

Në stadiumin “Sami Kelmendi” në Lipjan u zhvillua ndeshja e Javës së 14 në të cilën Gjilani me mund të madh ka mposhtur Ulpianën me rezultat 2-1.

Sulmuesi i Gjilanit Gerhard Progni edhe njëherë dëshmoj se është njëri ndër futbollistët më të mirë në Superligën e Kosovës i cili me golin e tij në minutën e 85 nga goditja e lirë i ka dhënë skuadrës tri pikë tejet të rëndësishme për të rimarrë kreun e tabelës.

Të dy skuadrat nuk treguan lojë të pëlqyeshme në këtë ndeshje erdhi në shprehje përvoja e futbollistëve të Gjilanit të cilët nuk u dorëzuan gjerë në fund.

Vendasit ishin të parët të cilët kaluan në epërsi në minutën e 23 Egzon Qerimi pasi pranon një top nga Santos nuk e pati vështirë ta mposht portierin Enea Koliqin për 1-0.

Fidanishtja

Në pjesën e dytë në minutën e 64 Fiton Hajdari bukur gjen mesfushorin Albert Dabiqaj i cili me kokë plason topin në rrjetën e portierit Ajeti për të barazuar në 1-1.

Në fund të ndeshjes edhe njëherë Progni dëshmoi se është futbollist i cili nga gjuajtjet e lira portierët kundërshtar duhet të kenë frikë dhe këtë e vërtetoj në minutën e 85 duke mposhtur portierin.

Ajeti duke i siguruar skuadrës së tij tri pikë të reja për të kryesuar në tabelë me 25 pikë.

Në javën e 15 Gjilani është nikoqir i derbit lokal me Dritën./rajonipress/