Edhe një shqiptar tjetër në futbollin gjerman?

Futbolli gjerman është si një shtëpi e dytë për futbollistët shqiptarë.Shumë yje tanë kanë treguar vlerat e tyre në Gjermani, dhe shumë prej tyre po luajnë me sukses në ligat e këtij shteti.

Së fundmi një tjetër futbollist shqiptar që mund të transferohet atje është sulmuesi shtatlartë Berat Sadik.

Sipas asaj që ka shkruar e përditshmja zvicerane ‘Blick’, shkupjani Sadik që aktivizohet në elitën e futbollit zviceran me Thunin, është duke u kërkuar nga Nurnberg.

‘Blick’, shkruan se Sadik mund t’i bashkohet Nurnbergut si lojtar i lirë pasi kontrata me skuadrën zvicerane skadon në fund të këtij sezoni. /Telegrafi/