Edhe një shqiptar angazhohet në policinë amerikane

Një tjetër polic shqiptaro-amerikan nisi shërbimin në Departamentin Metropolitan të Policisë, në Distriktin e Kolumbias (Metropolitan Police Department of the District of Columbia – MPDC), shkruan gazeta Illyria.

Kevin Veizaj ka pёrfunduar studimet nё Akademinё e Policisё dhe pas diplomimit nisi shёrbimin nё radhёt e policisё nё kryeqytetin amerikan. Sic njofton gazeta, Kevini nuk ёshtё i vetmi oficer policie nga trungu i familjes sё tij. Në fakt, ai vjen nga një familje oficerёsh. Xhaxhai, Helidon Veizaj ka qenë nëndrejtor qarku policie. Pёrvoja dhe trashёgimia janё mё tё hershme; Babai, Gjinal Veizaj, ka qenë oficer policie në repartin special të Briskut dhe ёshtё nga tё parёt oficerё tё policisё sё shtetit që emigruan nga Shqipëria për në Amerikë.

Daja i Kevinit, një ish-kampion i turnout të Dorezave të Arta të Boksit, në Nju Jork (NYC Golden Gloves), i dhuroi, me këtë rast, një palë doreza me autograf, ku i uronte nipit suksese dhe që krahas punës, të mbarojë gradën Master në Georgetoën University.

Komuniteti shqiptar i ka uruar Kevinit shёrbim tё sukseshёm nё detyrёn e re, nё shёrbim tё qytetarёve amerokanё.
Elton Shametaj, oficer i policisё sё Nju Jork-ut, dhe aktivist i njohur pёr komunitetin shqiptar, ka thënë se ndjehet i gёzuar qё po shtohen radhёt e policёve shqiptarё. Belis Kasafi dhe Agron Kaci, në emër të organizatës së policёve amerikano-shqiptarë po ashtu i kanë uruar sukses Kevinit dhe duke shpresuar se ai do ta çojё mё tej traditёn familjare.

Edhe organizata “American Albanian Law Enforcement Associatione” e ka uruar oficierin e ri, duke i dëshiruar mirёseardhjen nё radhёt e policisё.

“Tani numri i policëve shqiptarë në Amerikë është i ndjeshëm. Komuniteti shqiptar mburret me policёt shqiptaro-amerikanё, tё cilёt kanё krijuar edhe shoqatat e tyre dhe ndjehen pranё komunitetit nga vijnё”, përfundon gazeta, përcjell albinfo.ch.
https://www.albinfo.ch/edhe-nje-shqiptar-angazhohet-ne-policine-amerikane/