Edhe Newcastle futet në garë për Ajetin

Newcastle United raportohet se ka shprehur interesim për të transferuar talentin shqiptar të Baselit, Albian Ajeti, në formë huazimi me mundësi të transferimit të përhershëm në fund të sezonit.

Sulmuesit 18-vjeçar i skadon kontrata në fund të sezonit dhe kjo ka zgjuar interesimin e shumë skuadrave evropiane.

Siç raporton “DailyMail”, e fundit në këtë listë është Newcastle, që tashmë ka bërë gati ofertën për vëllanë e Arlind dhe Adonis Ajetit, po ashtu futbollistë.

Ditë më parë, Ajeti ka treguar se është kontaktuar nga trajneri i West Ham Unitedit, Slaven Biliq, i cili ka kërkuar që ta transferojë llapjanin gjatë miniafatit kalimtar të janarit.