Edhe në Vërban asfaltohen rrugët

Viti – Zv. Kryetari i Komunës së Vitisë, Hasan Aliu i shoqëruar nga kryesuesi i Kuvendit Komunal të Vitisë, Naim Pira dhe Drejtori i Drejtorisë për Shëndetësi dhe Mirëqenie Sociale, Basri Aliu kanë dal sot në teren për të pare nga afër punimet që janë duke u zhvilluar në asfaltimin e rrugës “Beqiri”.

Me këtë rast ata janë pritur edhe nga banorët e këtij lokaliteti të cilët falënderuan përfaqësuesit e institucioneve komunale të Vitisë, për financimin e këtij projekti që sipas tyre është i një rëndësie të veçantë.

“Asfaltimi i kësaj rruge për ne ka një rëndësi të madhe pasi që me të lehtësohet qarkullimi i banorëve tanë.

Njëherit dëshiroj të falënderoj të gjithë ata që e kanë cilësuar si prioritare asfaltimin e saj dhe një falënderim të veçantë për komunën e cila po e financon atë “ u shpreh Naser Muharremi, banorë nga fshati Vërban i cili jeton në Zvicër./rajonipress/