Edhe Mimoza Shkodra braktis AKR

Gjilan – Mimoza Shkodra e cila ishte zgjedhur njëra nga nënkryetaret e AKR-së në Gjilan ka dhënë dorëheqje për shkak siç ka thënë ajo kamuflimeve, intrigave, dhe influencimeve të ndryshme nga një pjesë e kryesisë.

AKR në Gjilan ka nisur të destabilizohet keq dhe në mënyrën më ekstreme. Ajo për një kohë ishte stabilizuar dhe fatkeqësisht e tërë puna e mirë që ka reflektuar për këto vite në qeverisjen e Gjilanit është rrënuar brenda pak minutave.

Të shtunën dorëheqje ka dhënë edhe Mimoza Shkodra e cila ishte caktuar njëra nga nënkryetaret e AKR-së. Shkodra tha për rajonipress se po jep dorëheqje për shkak të kërcënimeve, shantazheve, influencimeve dhe bashkëpunimit jo të mirë demokratik.

Shkodra tha se ka qenë një sportiste e shkëlqyeshme për plotë 23 vite dhe nga kjo përvojë ka mësuar shumë që të bashkëpunojë vetëm me sinqeritet dhe moral të plotë.”Si një akademike që jam nuk dua të jem pjesë e intrigave dhe ndëskamcave të vazhdueshme nga individë të caktuar, fundja po pretendojmë të jemi një shoqëri e shëndoshë” tha shkurt Shkodra./rajonipress/