Edhe Frosinone pas Ajetit

Mbrojtësi i Kombëtares shqiptare Arlind Ajeti, i cili është aktualisht pa kontratë pas largimit nga Frosinone në Serie B, kërkohet nga shumë skuadra teksa së fundmi listës së ekipeve që duan të kenë shërbimet e ish-lojtarit të Basel-it u është shtuar edhe Pescara.

Klubi i sapongjitur në Serie A e pëlqen së tepërmi Ajetin, pasi drejtuesit e Pescara-s shikojnë te 22-vjeçari shqiptar një futbollist që mund të përforconte shumë prapavijën e skuadrës së tyre. Por, sipas asaj që raportojnë mediet, për Pescara-n nuk do të jetë e lehtë të firmosë me Arlind Ajetin, sepse për kuqeziun interesohen gjithashtu edhe Lazio e Torino, dy klube me një potencial më të fuqishëm ekonomik.

Falë paraqitjeve të tij në edicionin e fundit me fanellën e Frosinone-s, teksa në 16 ndeshje të zhvilluara gjithsej shënoi dhe një gol, Arlind Ajeti është shndërruar në një futbollist shumë të kërkuar në Serie A.

(Kosova Sot)