Edhe, Erzen Rrustemi dhe Xherdan Shaqiri shpallen qytetar nderi të Gjilanit

Gjilan – Kuvendi Komunal me 20 vota për ka shpallur Xherdan Shaqirin dhe Erzen Rrustemin qytetar nderi të Gjilanit.

Sadullah Kadriu tha se nuk e njeh Erzen Rrushemin derisa për Xherdan Shaqirin tha se e njeh mirë.

Avdyl Aliu nga LDK-ja tha se është nder për Gjilanin që të nderojë këto dy figura dhe emra të mëdhenj të sportit.

Malazog Hoxha nga njësia e sportit ka arsyetuar inicimin dhe propozimin.

Ibish Ibishi nga AAK-ja tha se jemi për rregulla dhe procedura sepse LDK po tenton të manipulojë me këta emra.

Arben Mehmeti nga LDK-ja tha se nuk po i bëjmë nder atyre që po i shpallim sot qytetar nderi. “Nuk e kuptojë personalisht qysh në rend dite futen emra dhe personalitete të rëndësishme dhe ne si Kuvend edhe proceduralisht nuk është i përgatitur. Kuvendi duhet të ketë dokumente e biografi për të nderuarit. Po e devalvojmë rolin e Kuvendit. Po marrim vendim jo serioze. Me këtë vendim po i degradojmë edhe ata që po shpallen qytetar nderi” tha Mehmeti.

Mehmeti tha se Kuvendi po shndërrohet vetëm në mekanizëm të votimit. Por Valentina Bunjaku tha se i kemi procedurat dhe nuk kemi nevojë të bëjmë politikë në Kuvend./rajonipress/