Edhe Bordi i Drejtorëve jep vërejtje në rregulloren e transportit publik

Viti – Lidhur me organizimin e transportit në komunën e Vitisë, drejtorët patën disa vërejtje në nenet e kësaj rregulloreje dhe u pajtuan që ato sugjerime dhe propozime të inkorporohen dhe të procedohen në Komitetin për Politikë e Financa.

Në mbledhjen e rregullt të Këshillit të Drejtorëve, është diskutuar për draft rregulloren për organizimin e transportit brenda territorit të komunës së Vitisë, dhe është shqyrtuar propozim rregullorja për sjellje dhe disiplinë të nxënësve për shkollat fillore, të mesme të ulët dhe punëtorët arsimor të komunës së Vitisë, si dhe propozim rregullorja për përgjegjësin disiplinore e materiale të punëtorëve arsimor.

Në këtë mbledhje si pikë shtesë është shqyrtuar edhe projekt statuti për Qendrën për Punë Sociale në Viti.

Lidhur me organizimin e transportit në komunën e Vitisë, drejtorët patën disa vërejtje në nenet e kësaj rregulloreje dhe u pajtuan që ato sugjerime dhe propozime të inkorporohen dhe të procedohen në Komitetin për Politikë e Financa.

Ndërsa për propozim rregulloren për sjellje dhe disiplinë, drejtori i Arsimit Qahil Sinani tha se ky propozim rregullore është debatuar nëpër shkollat e komunës së Vitisë dhe ajo parasheh masat ndëshkuese, përgjegjësit, të drejtat disiplinore etj si të nxënësve po ashtu edhe të personelit.

Të gjitha pikat që u diskutuan në këtë mbledhje të Këshillit të Drejtorëve, u proceduan për Komitetin për Politikë e Financa, që mandej të vazhdojnë për aprovim në Kuvend./rajonipress/