“Eco – Higjiena” ndihmon 10 familje me nga 50 euro

Gjilan – Bajram Isufi drejtor ekzekutiv dhe Burim Kastrati drejtor i financave dhe administratës në “Eco – Higjiena” të dielën në natën e Bajramit kanë ndihmuar 10 familje me nga 50 euro. Këto mjete financiare janë shpërndarë për dy familje në Viti, dy familje në Zhegër, një në Llashticë, dy në Pograxhë, një në Verbicë dhe një në Dobëraqan.

Kompania “Eco – Higjiena” në prag të Festës së Bajramit kanë ndihmuar 10 familje me nga 50 euro këtë të diel, raporton rajonipress.

Bajram Isufi drejtor ekzekutiv dhe Burim Kastrati drejtor i financave dhe administratës kanë shpërndarë këto 500 euro në fshatrat Zhegër, Llashticë, Viti, Pograxhë, Vërbicë dhe Dobërqan.

Isufi tha për rajonipress se ndihet i lumtur që natën e Bajramit ka mundur t`i gëzoj me këtë ndihmë modeste familjet me gjendje të rëndë ekonomike. “Ne ishim në Viti ku ndihmuam dy familje të veteranëve të UÇK-së. Aty vërtet edhe u gëzuam edhe mbetem të prekur sepse gjendja e veteranëve të luftës është e rëndë” tha Isufi.

Isufi tha se edhe në fshatrat e Gjilanit kanë pasur mundësi që sot t`i gëzojnë disa familje edhe pse me një shumë modeste të kompanisë. “Eco –Higjiena” edhe në të ardhmen ka ndihmuar e përkrahur familjet nevojtare dhe kështu do të ndodhë edhe në të ardhmen sepse situata sociale ka rënduar shumë familje kosovare” tha Isufi.

Isufi tha se të ndihmosh familjet nevojtare në një festë siç është Bajrami, vërtet është një gëzim dhe krenari e madhe./rajonipress/