Gjilan – Kompania “Eco – Higjiena” dhe komuna e Artanës me rastin e 1 majit në fshatin Stanishor dhe në vende të tjera publike, me qëllim të bashkëpunimit me qytetarët do të bëjnë përpjekje për ruajtjen e ambientit duke marrë këto masa: Do të ofrohen qese të mbeturinave secilit vizitor përmes punëtorëve të autorizuar, do të bëjë inkasimin e taksave simbolike për ruajtje dhe pastrim të ambientit me rastin e hyrjes së veturave, në shumën prej 1 euro, në bazë të rregullores për taksa dhe tarifa të komunës së Artanës, do të bëjë pastrimin e të gjitha hapësirave pas përfundimit të aktiviteteve, do të bëjë bartjen e mbeturinave në deponitë regjionale në Gjilan, do të bashkëpunojë me Policinë e Kosovës në menaxhim të situatës.
Kompania “Eco – Higjiena” kërkon nga qytetarët që të jenë bashkëpunues me punëtorët dhe të japin një imazh festiv kësaj dite duke ruajtur ambientin thuhet në njoftimin e kësaj kompania adresuar qytetarëve.
Kompania “Eco – Higjiena” ka ftuar qytetarët e Gjilanit dhe të Novobërdës duke i përkujtuar ata se kjo kompani kryen shërbimin e grumbullimit të mbeturinave edhe gjatë festes së 1 majit sipas orarit të rregullt.
Njeherit njoftojmë qytetarët se për hir të 1 majit komuna e Novobërdës si çdo vit ashtu edhe ketë vit organizon manifestimin tradicional nën patronatin e komunës së bashku me Kompaninë “Eco – Higjiena”, andaj në bashkëpunim me kompaninë dhe komunën edhe është pastruar pjesa e kësaj komune nga punëtoret e kompanisë, vetëm që qytetaret ta kenë një ambient më të pastër.
Apeli i kompanisë dhe komunës është që të përdoren shportat dhe qeset gjatë qëndrimit tuaj në Luginën e Stanishorit dhe ju lusim për mbështetje dhe për një ambient më të pastër./rajonipress/
