E vranë shtatzënën: “U pushtua nga xhindi”!

Katër vetë janë akuzuar për vrasjen e gruas shtatzënë, Naila Mumtaz (21). Atë e vrau burri, vjehrri, vjehrra dhe kunati.

Burri i Nailes fatkeqe, Muhamedi Mumtaz, tha në gjyq se ajo ka dashur ta ngufasë veten, meqë “kjo ishte vepër e shpirtit të ligë që ishte në trupin e saj”.

Ai pretendon se vdekja e gruas së tij ngjanë në vetëvrasje dhe se ajo e ka mbytur veten.

Të katër të pandehurit kanë mohuar se kanë vrarë vajzën fatkeqe.

Prokurori tha se Naila është me origjinë nga Pakistani dhe se pas martesës ka ardhur të jetojë në Birmingem të Britanisë së Madhe, bashkë me burrin dhe prindërve e saj.

Në natën fatale asaj i janë shkaktuar lëndime të shumta, kështu që policia nuk e di nëse ka vdekur nga goditjet apo nga ngufatja.

“Ndihma e shpejtë ka ardhur, por nuk kishte shpëtim për vajzën. Ajo dhe foshnja e palindur kishin vdekur. Atë e kanë ngufatur burri, prindërit e tij si dhe vëllai, ndërsa më vonë kanë se për këtë është fajtor shpirti i keq”, thotë prokurori.

Mumtaz deklaroi se gruaja e tij e kishte gërvishtur veten në fytyrë dhe se ulërinte.

“Ajo u përpoq të kafshojë nënën për dore. Të gjithë e kemi mbajtur. Ajo nuk mund të na njihte. Veten e ka ngufatur. E ka futur dorën në gojën e saj”, ka thënë Mumtaz.

Sipas tij, vdekjen e saj e ka shkaktuar një xhind i keq i cili një muaj më parë e kishte pushtuar edhe atë. Mumtaz shtoi se në kohën e vdekjes së gruas së tij, në shtëpi ishte edhe kleriku që lexonte lutjet. /Telegrafi/