E vërteta me bisht!

Nga Kujtim Sadriu – “Deputeti i votave të vjedhura në një intervistë për TV “Aldi”, deklaroi se as në kohën e Milosheviqit, nuk ka qenë më rëndë! Është shumë e vërtetë kjo që thotë zotëri Rizahu, publikisht, pasi se kryetari legjendar i PVD-së e ka pasur shumë të lehtë në kohën e Milosheviqit, gjatë zgjedhje lokale në vitet e 90-ta të merrte pushtetin lokale përmes gjyqeve të Milosheviqit, dhe bënte siç donte vetë, bënte autonomi për bashkangjitje me Kosovë e Shqipëri e krejt këtë kontribut e materializonte me shpërblim “poslanik” në Parlamentin e Serbisë.

Shihet qartë se PVD, nuk mund të punojë në asnjë mënyrë intensivisht për të mirë të qytetarëve, pasi që ajo ka dëshmuar veten se nuk ka aftësi dhe kuadro, vet fakti tregon se një subjekt po plaket dhe po vdes me një kryetar të përjetshëm.

Është e vërtet, që pushteti lokal në Preshevë është parazit, por deputeti është babai i parazitëve, pasi që ky i fundit me vite të tëra është në Beograd, ku edhe janë ambasadat e gjithë shteteve evropiane, nuk ka mund të bëj asgjë për të tërhequr ndonjë investitor të huaj për në Preshevë, e tani akuzon të tjerët.

Momenti është që populli i Preshevës të ZGJOHET, nga gjumi i thellë, dhe ta kuptoj njëherë e përgjithmonë dhelpërinë, tradhtinë dhe politikën e Riza Halimiz dhe Ragmi Mustafës, politikë e cila i shërbeu vetëm për interesat e tyre personale, klanore dhe partiake./rajonipress/